Дортмунднинг «Боруссия» клуби бош мураббийи Юрген Клопп Европа чемпионлар лигасининг «Реал»га қарши учрашувидан кейин ўзининг ҳиссиётларини яшириб ўтирмади.
«Бундай ўйинларда ҳимояга ўтиб олиш мумкин эмас ва биз шунинг учун ҳам ҳужумкор футбол намойиш этдик. Футболчиларимиз худдики кўприк устуни каби бир-бирларини қўллаб-қувватлаб ўйнашди ва мен бу ўйнимиздан жудаям мамнунман».
«Моуриньо олдинроқ жамоаларнинг жуда кўплаб ўхшашликлари борлигини айтиб ўтганди. Ҳақиқатан ҳам шундай. Бугун жамоа олдинги ўйинлардаги хатоларни тўғрилаб жуда яхши футбол кўрсатганини эътироф этишим лозим. «Боруссия» ўтган мавсумдагидан кўра ҳимояда ишончлироқ ўйнаётгани ҳам қувонарли».
«Болаликдаги орзуим рўёбга чиқди — Мен «Реал»ни мағлубиятга учратдим. Бу натижадан биз фахрланишимиз керак», дея гапириб ўтди Клопп.