"Манчестер Сити" икки футболчиси билан хайрлашишга қарор қилмоқчи.
Manchester Evening News нашри хабарига кўра, "шаҳарликлар" ярим ҳимоячи Бернарду Сильва ва ҳимоячи Эймерик Ляпорт бўйича музокараларга тайёр.
Португалиялик футболчи учун потенциал харидорлар мавжуд. Бернарду хизматларига Саудия Арабистони клублари, шунингдек, "Барселона" қизиқиш билдирмоқда. Ляпортни эса ёзда ким сотиб олишга тайёрлиги ҳозирча номаълум.
"Манчестер Сити" ўтган мавсумни требл билан якунлади. Хосеп Гвардиола шогирдлари Премьер-лига чемпиони, Англия кубоги ғолиби ва Чемпионлар лигаси ғолиби бўлди.
