"Манчестер Юнайтед"нинг собиқ футболчиси Рио Фердинанднинг фикрича, "Челси" ўрта чизиқни кучайтириши керак.
Сўнгги пайтларда "кўклар" сафини Канте, Матео Ковачич ва Рубен Лофтус-Чик тарк этиб, мос равишда "Ал Иттиҳод", "Манчестер Сити" ва "Милан"га ўтишди. Мейсон Маунтнинг "Манчестер Юнайтед"га ўтиши ҳам вақт масаласи сифатида қаралмоқда.
"Ҳозирда "Челси"да ярим ҳимоячилар жуда кам. Жамоада саккиз-тўққиз нафар ҳужумкор ўйинчи бор, аммо мувозанат йўқ, чунки ҳозир ярим ҳимоя маркази бўш. Янги мавсумда Энцо Фернандес билан ким бу ўринга қўшилиши қизиқ бўлади", - деди Фердинанд Daily Mail билан суҳбатда.
