Парижликлар ўзларининг ижтимоий тармоқлари орқали келаси мавсум учун янги сафар либосларини тақдим этишди. Янги либос тақдимотида жамоа юлдузлари - Неймар, Килиан Мбаппе, Марко Верратти, Маркиньослар иштирок этишди.
Ўтган мавсумда парижлик грандлар Лига 1да "Ланс"ни бир очкога ортда қолдириб чемпион бўлишди. Чемпионлар лигасида жамоа муваффақиятсиз ўйнади ва 1/8 финал босқичида "Бавария"дан мағлубиятга учради.
Эслатиб ўтамиз, мавсум якунида "ПСЖ"ни аргентиналик ҳужумчи Лионель Месси тарк этганди. 35 ёшли жаҳон чемпионининг клуб билан шартномаси ниҳоясига етди. Лео "Интер Майами" билан шартнома имзолади.
