Испаниялик марказий ҳужумчи Альваро Мората Италия чемпионатига қайтиши мумкин. 30 ёшли футболчига "Милан" қизиқиш билдирмоқда. “Россонерилар” раҳбарияти футболчи вакиллари билан учрашув белгилаган. Бу кейинги ҳафта бўлиб ўтади, деди инсайдер Даниэле Лонго ижтимоий тармоқларда.
"Милан" Моратани ушбу трансфер ойнасидаги асосий мақсадларидан бири сифатида қайд этди. Клуб уни сотиб олиш учун 12-15 миллион евро ажратишга тайёр.
Альваро ўтган мавсумда "Атлетико Мадрид" сафида ўйнаган. Ҳужумчи барча мусобақаларда 45 та ўйинда майдонга тушиб, 15 та гол урди ва 3 та голли узатмани амалга оширди.