Ispaniyalik markaziy hujumchi Alvaro Morata Italiya chempionatiga qaytishi mumkin. 30 yoshli futbolchiga "Milan" qiziqish bildirmoqda. “Rossonerilar” rahbariyati futbolchi vakillari bilan uchrashuv belgilagan. Bu keyingi hafta bo‘lib o‘tadi, dedi insayder Daniele Longo ijtimoiy tarmoqlarda.
"Milan" Moratani ushbu transfer oynasidagi asosiy maqsadlaridan biri sifatida qayd etdi. Klub uni sotib olish uchun 12-15 million yevro ajratishga tayyor.
Alvaro o‘tgan mavsumda "Atletiko Madrid" safida o‘ynagan. Hujumchi barcha musobaqalarda 45 ta o‘yinda maydonga tushib, 15 ta gol urdi va 3 ta golli uzatmani amalga oshirdi.