"Лидс" вингери Уилфрид Ньонто бир қанча клубларнинг трансфер мақсади ҳисобланади.
Футболчига "Эвертон", "Астон Вилла" ва "Фрайбург" даъвогарлик қилмоқда. Катта эҳтимол билан футболчи “Лидс”ни жамоа Премьер-лигадан тушиб кетганидан кейин тарк этади.
Клуб Ньонтони 25 миллион еврога баҳолайди, унинг шартномаси 2027 йилнинг ёзига қадар мўлжалланган. Айни дамда Уилфрид учун пойгада фаворит "Эвертон" ҳисобланади.
Ньонто 2022 йилнинг сентябрида "Цюрих"дан 4,5 миллион евро эвазига “Лидс”га ўтган эди.
Жорий мавсумда футболчи 28 та ўйин ўтказиб, 4 та гол ва 4 та голли узатмага муаллифлик қилган.
