Испаниялик марказий ҳимоячи Иньиго Мартинес "Барселона" сафига қўшилди.
ОАВ 32 ёшли футболчининг "кўк-аноррангли" футболкада фотосессияда қатнашгани ҳақида хабар берди.
Қайд этилишича, томонлар ўртасида шартнома аллақачон имзоланган. Яқин кунларда бу ҳақда расмий эълон қилинади.
Мартинес аввалроқ Бильбаонинг "Атлетик" клубини тарк этиб, эркин агентга айланган эди. 2022/23 йилги мавсумда футболчи барча турнирларни ҳисобга олган ҳолда 18 та ўйинда майдонга тушиб, битта гол урган. Transfermarkt экспертлари 32 ёшли ҳимоячининг нархини ўн миллион еврога баҳоламоқда.
Испания чемпионатининг янги мавсуми 11-12 август кунлари бошланиши керак.
