"Ювентус" ярим ҳимоячиси Артур Мело Саудия Арабистони клубига ўтиши мумкинлиги ҳақидаги саволга жавоб берди.
"Ливерпул"да ижарада бўлганида бразилиялик энг яхши мавсумни ўтказмади, деярли майдонга тушмади.
Маълумки, "Ювентус" Артур билан ёзда хайрлашишга тайёр, аммо футболчи фаолиятини Европада давом эттириш ниятида:
"Саудия Арабистони чемпионатига ўтишми? Йўқ, мен эндигина 26 ёшдаман ва менимча, Европада бугунги эришганимдан ҳам кўпроқ ютуқларга эриша оламан.
Мен яна ўзимнинг энг яхши ўйинимни кўрсатишни, Европа футболида жиддий совринларни қўлга киритишни ва Бразилия терма жамоасига қайтишни истайман", — дея Артурнинг сўзларини келтиради Barca Universal.
