"Yuventus" yarim himoyachisi Artur Melo Saudiya Arabistoni klubiga o‘tishi mumkinligi haqidagi savolga javob berdi.
"Liverpul"da ijarada bo‘lganida braziliyalik eng yaxshi mavsumni o‘tkazmadi, deyarli maydonga tushmadi.
Ma’lumki, "Yuventus" Artur bilan yozda xayrlashishga tayyor, ammo futbolchi faoliyatini Yevropada davom ettirish niyatida:
"Saudiya Arabistoni chempionatiga o‘tishmi? Yo‘q, men endigina 26 yoshdaman va menimcha, Yevropada bugungi erishganimdan ham ko‘proq yutuqlarga erisha olaman.
Men yana o‘zimning eng yaxshi o‘yinimni ko‘rsatishni, Yevropa futbolida jiddiy sovrinlarni qo‘lga kiritishni va Braziliya terma jamoasiga qaytishni istayman", — deya Arturning so‘zlarini keltiradi Barca Universal.
