"Ливерпуль" ярим ҳимоячиси Доминик Собослаи ўзининг трансфери ҳақида фикр билдирди.
22 ёшли венгриялик футболчи мерсисайдликлар сафига 2 июль куни келиб қўшилганди, у "Лейпциг"дан 70 миллион евро эвазига трансфер қилинди.
"Ливерпуль" мени сотиб олишга жиддий қизиқиш билдираётганини билганимда Чемпионлар лигаси ҳақида ўйламагандим. Мен бу ерга муаммосиз кўчиб ўтиш учун бир йилни (Чемпионлар лигасисиз) қурбон қилишга тайёр эдим. Мен биринчи мавсумдаёқ Европа лигасида ғалаба қозонишни афзал кўраман”, — деди Собослаи Nemzeti Sport нашрига берган интервьюсида.
Эслатиб ўтамиз, "Ливерпуль" Чемпионлар лигаси йўлланмасини қўлга кирита олмаган ҳолда АПЛнинг сўнгги мавсумида бешинчи ўринни олди.
