Нидерландиялик собиқ футболчи Рафаэль ван дер Ваарт "Бавария" ярим ҳимоячиси Райан Гравенберхннинг ўйини ҳақида ўз фикрларини билдириб ўтди.
Ярим ҳимоячи ўтган ёзда "Аякс"дан сотиб олинди, аммо бу трансфердан сўнг дебют мавсумида мюнхенликлар асосий таркибидан жой ололмади.
"Ўйлайманки, Гравенберх ўйнаса ва формада бўлса, у ўзининг фазилатлари бўйича Жуд Беллингемдан ўзиб кетади.
Райанга ўйин вақти керак ва агар ололмаса, кетиш ҳақида ўйлаши керак. Гап буюк футболчи бўлиш ҳақида кетяпти, шунинг учун агар мен “Бавария”нинг ўрнида бўлсам, уни сотишга шошилмаган бўлардим – эҳтимол, ижарага бериш вазиятдан чиқиш йўли бўлиши мумкин”, — дея Нидерландия терма жамоасининг машҳур собиқ футболчиси сўзларидан иқтибос келтиради журналист Филип Кесслер.
