"Ювентус" клуби "Атлетико Мадрид"нинг ўнг қанот ҳимоячиси Науэль Молинани сотиб олмоқчи.
"Бьянконерилар" бош мураббийи Массимилиано Аллегри аргентиналик футболчини таклиф қилишдан шахсан манфаатдор - италиялик мутахассис трансфер бўйича иш бошлаш учун аллақачон ўз клуби раҳбариятига мурожаат қилган, деб хабар бермоқда Marca. Эътиборлиси, 25 ёшли футболчининг "матрасчилар" билан шартномасида кўрсатилган товон пули 90 миллион еврони ташкил қилади.
Науэль Молина 2022 йилнинг июль ойида Италиянинг “Удинезе” жамоасидан 20 миллион евро эвазига “Атлетико”га ўтган эди. Transfermarkt маълумотларига кўра, футболчининг нархи 35 млн евро.
