"Yuventus" klubi "Atletiko Madrid"ning o‘ng qanot himoyachisi Nauel Molinani sotib olmoqchi.

"Byankonerilar" bosh murabbiyi Massimiliano Allegri argentinalik futbolchini taklif qilishdan shaxsan manfaatdor - italiyalik mutaxassis transfer bo‘yicha ish boshlash uchun allaqachon o‘z klubi rahbariyatiga murojaat qilgan, deb xabar bermoqda Marca. E’tiborlisi, 25 yoshli futbolchining "matraschilar" bilan shartnomasida ko‘rsatilgan tovon puli 90 million yevroni tashkil qiladi.

Nauel Molina 2022 yilning iyul oyida Italiyaning “Udineze” jamoasidan 20 million yevro evaziga “Atletiko”ga o‘tgan edi. Transfermarkt ma’lumotlariga ko‘ra, futbolchining narxi 35 mln yevro.