"Челси"нинг ўнг қанот ҳимоячиси Рис Жеймс ярим ҳимоячи Мейсон Маунт билан хайрлашди. Маунт бугун расман 65 миллион евро эвазига "Манчестер Юнайтед"га кўчиб ўтди.
"Дўстим, мен нимадан бошлашни ҳам билмайман. Мен сени 6 ёшимдан бери биламан, биз бирга ўсганмиз ва бир хил йўлдан борганмиз, якунда асосий жамоа ўйинчиларига айланганмиз. Сен билан ўйнаб кўп нарсага эришганимдан фахрланаман. Кичкина болаликдан эркак бўлиб улғайганингни ва оиланг билан фахрланишингни кўрдим. Биз кўп хотираларни баҳам кўрамиз. Сен билан хайрлашиш жуда ачинарли. Сенга бахт, сиҳат-саломатлик ва янги чақирувингда омад тилайман. Сенинг юрагингда доим кўк ранг бўлади" - деб пост қолдирди Жеймс ижтимоий тармоқда.
