"Chelsi"ning o‘ng qanot himoyachisi Ris Jeyms yarim himoyachi Meyson Maunt bilan xayrlashdi. Maunt bugun rasman 65 million yevro evaziga "Manchester Yunayted"ga ko‘chib o‘tdi.
"Do‘stim, men nimadan boshlashni ham bilmayman. Men seni 6 yoshimdan beri bilaman, biz birga o‘sganmiz va bir xil yo‘ldan borganmiz, yakunda asosiy jamoa o‘yinchilariga aylanganmiz. Sen bilan o‘ynab ko‘p narsaga erishganimdan faxrlanaman. Kichkina bolalikdan erkak bo‘lib ulg‘ayganingni va oilang bilan faxrlanishingni ko‘rdim. Biz ko‘p xotiralarni baham ko‘ramiz. Sen bilan xayrlashish juda achinarli. Senga baxt, sihat-salomatlik va yangi chaqiruvingda omad tilayman. Sening yuragingda doim ko‘k rang bo‘ladi" - deb post qoldirdi Jeyms ijtimoiy tarmoqda.
