"Наполи" ҳимоячиси Ким Мин Чже "Бавария"га ўтишга яқин турибди, деб ёзди журналист Флориан Плaттенберг.
Манба берган хабарга кўра, эртага футболчи Мюнхен клуби сафида тиббий кўрикдан ўтади. “Бавария” ҳимоячи шартномасини “Наполи”дан сотиб олиш ва унинг учун 50 миллион евро тўлаш вариантини фаоллаштиради. Ким Мин Чже мюнхенликлар билан 2028 йилгача ҳисобланган шартнома имзолайди. "Бавария"даги футболчининг маоши йилига 12 миллион еврони ташкил қилади.