Вандерсон де Оливейра келаси йили "Барселона"га ўтиши мумкин.
Каталония клуби "Монако"нинг ўнг қанот ҳимоячисига қизиқиш билдирмоқда, аммо бу ёзда уни молиявий аҳволи оғирлиги сабабли қўлга кирита олмаяпти, деб хабар беради Diario Sport. Ушбу трансфер "кўк-анорранглилар"га 30 миллион еврога тушади.
"Барселона" 2024 йилда трансфер устида иш бошлайди. Клуб футболчини 10-15 миллион еврога сотиб олишга умид қилмоқда. Шунингдек, каталонияликлар “Вальядолид”дан Иван Фреснедага қизиқиш билдиришмоқда.
Вандерсон яна бир мавсум “Монако”да қолишга қарор қилди. У клубдан кейинги йили "Барса"га ўтиш учун трамплин сифатида фойдаланмоқчи.
Лига 1нинг сўнгги мавсумида бразилиялик футболчи 31 та ўйин ўтказиб, 1 та гол ва 4 та голли узатмани амалга оширган.