"ПСЖ"нинг янги футболчиси Мануэль Угарте ўзининг трансфери ҳақида гапирди.

Уругвайлик футболчининг Лиссабоннинг “Спортинг” клубидан трансфери ҳали расман тасдиқланмаган, бироқ 22 ёшли футболчининг ўзи фаолиятини Парижда давом эттиришини яширмаяпти.

“Мен янги жамоадошлар билан танишишим ва дебют мавсумимда бор кучимни ишга солишим керак. "ПСЖ"даги мақсадим - Чемпионлар лигасида ғалаба қозониш, бундай клубда бошқа йўл бўлмаслиги керак. Муваффақият учун боримни бераман”, деди ярим ҳимоячи.

Мануэль Угарте "Спортинг"да 2021 йилдан буён тўп тепади. У Лиссабон клуби учун 85 та ўйинда 1 та гол ва 3 та голли узатмага муаллифлик қилган.