"ПСЖ" ёзги трансфер ойнасида жамоани тарк этиши мумкин бўлган Килиан Мбаппе ўрнига "Барселона" вингери Усмон Дембелени сотиб олишни кўриб чиқмоқда, дея хабар беради Footmercato.
Манбанинг ёзишича, Дембеленинг ўйинларини парижликларнинг янги бош мураббийи Луис Энрике ёқтиради. Бундан ташқари, 26 ёшли франциялик футболчининг “Барселона” билан июль ойи охиригача бўлган шартномасида товон пули 50 миллион еврони ташкил қилади.
2022/23 йилги мавсумда Дембеле барча мусобақаларда 35 та ўйинда майдонга тушиб, 8 та гол урди ва 9 та голли узатмани амалга оширди.
