"ПСЖ" ҳужумчиси Килиан Мбаппе клуб президенти Носир ал-Хелайфи агар шартномани узайтирмаса, футболчини шу ёзда сотиш ҳақида очиқ гапирганига қарамай, шартномасини якунлашга қарор қилди, деб хабар беради L'Equipe. Амалдаги шартнома 2024 йилнинг ёзига қадар мўлжалланган.

2017 йилнинг августида "ПСЖ" Мбаппени "Монако"дан ижарага олди ва бир йилдан сўнг ҳужумчининг ҳуқуқларини 180 миллион еврога сотиб олди. Парижликлар билан бирга футболчи беш марта Франция чемпиони бўлди, уч марта мамлакат кубогини қўлга киритди ва икки мартадан мамлакат Суперкубоги ва Франция Лига кубогини қўлга киритди.