Дортмунднинг “Боруссия” клубининг иккинчи дарвозабони Александр Майер жамоа билан шартномасини узайтирди.

32 ёшли дарвозабоннинг саккиз карра Германия чемпиони билан янги шартномаси 2025 йилнинг 30 июнига қадар мўлжалланган.

"Алекс - иккинчи дарвозабондан кўра кўпроқ. Қачон керак бўлса, у ўз маҳоратини ниҳоятда юқори даражада намойиш этади. У мутлақ жамоавий ўйинчи, ажойиб футболчи ва жамоага тинчлик ва хавфсизлик олиб келадиган умрбод тажрибага эга бўлган жуда ишончли мутахассис”, - деди “Боруссия” спорт директори Себастьян Кель.

Майер ўтган мавсумда дортмундликлар сафида 12 та ўйинда майдонга тушди.

"Боруссия"нинг ишончи ва шартнома узайтирилганидан жуда мамнунман. Дортмунддаги биринчи кунданоқ мени яхши кутиб олишди ва ўзимни уйдагидек ҳис қилдим. Ўтган мавсумда клубимиз нималарга қодирлигини ҳамма кўрди. Яқин келажакда ғалабаларни нишонлашимиз ва унвонлар қўлга киритишимиз учун бор кучимни ишга соламан. "Боруссия" оиласининг бир қисми бўлганимдан жуда хурсандман", - дейди Майер.