Мадриднинг “Реал” клуби навбатдаги футболчи учун курашда “Барселона” билан рақобатлашишга тайёр. Журналист Адриан Санчеснинг сўзларига кўра, “Қироллик клуби” “Валядолид”нинг ўнг қанот ҳимоячиси Иван Фреснедага кўз тикмоқда.
18 ёшли испаниялик ҳимоячининг товон пули 20 миллион еврога тенг, бу эса "Вальядолид"нинг иккинчи дивизионга тушиб кетиши билан фаоллашган. "Барселона" аввалроқ бу миқдорни роппа-роса ярмига камайтиришга ҳаракат қилган. Манбанинг қайд этишича, Мадриднинг “Реал” клуби Фреснеданинг атрофидагилар билан боғланиб, трансфер масаласини муҳокама қилган.
Аввалроқ, "Реал" "Фенербахче"дан "Сантьяго Бернабеу"га ўтган 18 ёшли ярим ҳимоячи Арда Гюлер учун курашда "Барселона"ни мағлуб этганди.
