"Манчестер Сити" ёзда Эмерик Лапорт бўйича таклифларни кўриб чиқади.
“Шаҳарликлар” испанияликни сотиш ҳақида ўйлашмоқда, чунки у асосий таркибдаги ўрнини йўқотди. Агар у учун 35 миллион евро таклиф қилинса, клуб Лапорт билан хайрлашишга тайёр, дея хабар беради журналист Руди Галетти. 29 ёшли футболчига асосий даъвогарлар Лондоннинг “Челси” ва Туриннинг “Ювентус” клубларидир.
Лапорт “Манчестер Сити” сафида 179 та ўйинда майдонга тушиб, 12 та гол ва 4 та голли узатмага муаллифлик қилган. Футболчининг амалдаги шартномаси 2025 йилнинг июнига қадар мўлжалланган.
