"Manchester Siti" yozda Emerik Laport bo‘yicha takliflarni ko‘rib chiqadi.
“Shaharliklar” ispaniyalikni sotish haqida o‘ylashmoqda, chunki u asosiy tarkibdagi o‘rnini yo‘qotdi. Agar u uchun 35 million yevro taklif qilinsa, klub Laport bilan xayrlashishga tayyor, deya xabar beradi jurnalist Rudi Galetti. 29 yoshli futbolchiga asosiy da’vogarlar Londonning “Chelsi” va Turinning “Yuventus” klublaridir.
Laport “Manchester Siti” safida 179 ta o‘yinda maydonga tushib, 12 ta gol va 4 ta golli uzatmaga mualliflik qilgan. Futbolchining amaldagi shartnomasi 2025 yilning iyuniga qadar mo‘ljallangan.