"Мальорка" ярим ҳимоячиси Ли Кан Ин "ПСЖ" учун тиббий кўрикдан ўтди, дея хабар беради инсайдер Фабрицио Романо.
Манбага кўра, келишув ўтган ойда ҳал бўлган, кореялик футболчи 5 йиллик шартнома имзолайди. Яқин кунларда "ПСЖ" футболчи билан шартнома имзолаганини эълон қилади.
Аввалроқ Париж клуби Корея терма жамоасининг 22 ёшли футболчиси учун 22 миллион евро тўлаши ҳақида хабар берилганди.
2022/23 йилги мавсумда Ин барча мусобақаларда 39 та ўйинда майдонга тушиб, 6 та гол урди ва 7 та голли узатмани амалга оширди. Шартнома 2025 йилнинг ёзига қадар амал қилади.
