Миср ёшлар терма жамоаси бош мураббийи Рожерио Микале Муҳаммад Салоҳни Олимпиада турнирига олиб бориш истаги борлигини маълум қилди.
“Бизда бу масала ҳақида ўйлаш ва вазиятни баҳолаш учун яна бир йил бор. Лекин биз Салоҳни жамоада кўришни истардик.
Неймар Бразилия учун қанчалик муҳим бўлса, Салоҳ ҳам биз учун шунчалик муҳим", - дея Микаленинг сўзларини келтиради Goal портали.
Париж Олимпиадасидаги футбол турнири 2024-йилнинг 26-июлидан 11-августига қадар бўлиб ўтади. Салоҳ у ерга борса, мавсумнинг бошланғич қисмини ўтказиб юборади.
Айтиш жоизки, 2021 йилда “Ливерпуль” Салоҳни Олимпиада ўйинларига қўймади. Клублар шундай ҳаракат қилиш ҳуқуқига эга, чунки Олимпия футбол турнирига ФИФА томонидан рухсат этилмаган.
