Хорватиялик мураббий Игорь Йовичевич Яқин Шарқда муносиб маош олади.
"Фотбалл 24" нашри хабарига кўра, Йовичевич "Ал-Райад" клубидан 2 миллион евро ва бонуслар олади.
Украинада 49 ёшли мутахассис анча кам маош оларди. Масалан, “Днепр-1”да хорватиялик мураббийга 650 минг евро тўланган. “Шахтёр” эса Йовичевичнинг маоши миқдорини ошкор қилмаган.
Эслатиб ўтамиз, кеча "кончилар" ва "Днепр-1"нинг собиқ мураббийи Саудиянинг "Ал-Райад" клуби бош мураббийига айланган эди. Хорватиялик мураббийнинг янги жамоаси 2022/23 йилги мавсумни турнир жадвалининг 10-поғонасида якунлади.
