"Арсенал" жамоаси АҚШга мавсумолди сафарига жўнаб кетиши олдидан иккита трансферни якунлаш арафасида.
"Аякс" ҳимоячиси Юрриен Тимбер бугун клубда тиббий кўрикдан ўтди, деб хабар бермоқда Sky Sports нашри. Бу "канонирлар"га 38 миллион фунтга тушади. 22 ёшли нидерландиялик футболчи 2028 йилнинг ёзига қадар шартнома имзолайди.
Шунингдек, "Арсенал" якшанба кунигача барча ҳужжатларни имзолашни ва "Вест Хэм" ярим ҳимоячиси Деклан Райснинг трансферини эълон қилишни кутмоқда. Келишув 105 миллион фунтни ташкил қилади ва 24 ёшли ярим ҳимоячи ҳам узоқ муддатли шартномага имзо чекади.
