"Бавария" ҳужумчи Харри Кейн учун "Тоттенхэм"га учинчи таклиф билан чиқишга тайёр.
"Бавария" Харри Кейнни қўлга киритиш борасидаги изланишларидан қайтмоқчи эмас. Sky журналисти Флориан Плеттенбергнинг хабар беришича, клуб англиялик ҳужумчи учун учинчи шартнома таклиф қилишни режалаштирмоқда.
Бўлажак таклифнинг аниқ тафсилотлари ҳозирча ошкор этилмаган, аммо "Бавария" яқинда "Тоттенхэм" рад этган 80 миллион евродан ортиқ суммани таклиф қилиши кутилмоқда.
Таклиф этилган сумма бўйича якуний қарор 11-июль, сешанба куни "Бавария" бошқарув кенгаши йиғилишида муҳокама қилинганидан сўнг қабул қилиниши кутилмоқда.