"Ювентус" ярим ҳимоячиси Пол Погба ёзги трансфер ойнасида клубини ўзгартириши мумкин. La Gazzetta dello Sport нашри хабарига кўра, Погбанинг хизматларига Саудиянинг "Ал-Иттиҳод" клуби қизиқмоқда.
"Кекса синьора" ўз навбатида футболчи учун 10 миллион евро таклиф қилинса, у билан хайрлашишга тайёрлигини билдирди. Футболчининг туринликлар билан шартномаси 2026 йил ўрталарига қадар мўлжалланган. Transfermarkt портали унинг нархини 15 миллион еврога баҳоламоқда.
Аввалроқ Погба Саудия Арабистонида йилига 100 миллион евро олиши мумкинлиги ҳақида хабарлар тарқалган эди.
Пол ўтган ёзда "Ювентус"га қайтган эди. Италия чемпионатининг сўнгги мавсумида ярим ҳимоячи жароҳат туфайли олтита ўйинда майдонга тушди.
