"Yuventus" yarim himoyachisi Pol Pogba yozgi transfer oynasida klubini o‘zgartirishi mumkin. La Gazzetta dello Sport nashri xabariga ko‘ra, Pogbaning xizmatlariga Saudiyaning "Al-Ittihod" klubi qiziqmoqda.
"Keksa sinyora" o‘z navbatida futbolchi uchun 10 million yevro taklif qilinsa, u bilan xayrlashishga tayyorligini bildirdi. Futbolchining turinliklar bilan shartnomasi 2026 yil o‘rtalariga qadar mo‘ljallangan. Transfermarkt portali uning narxini 15 million yevroga baholamoqda.
Avvalroq Pogba Saudiya Arabistonida yiliga 100 million yevro olishi mumkinligi haqida xabarlar tarqalgan edi.
Pol o‘tgan yozda "Yuventus"ga qaytgan edi. Italiya chempionatining so‘nggi mavsumida yarim himoyachi jarohat tufayli oltita o‘yinda maydonga tushdi.