"Рома" ҳужумчиси Тэмми Абрахам ҳозирги ҳолати ҳақида гапирди.
Англиялик футболчи ўтган мавсум охирида жароҳат олганди, шу сабаб бу йил бошқа майдонга тушмаслик хавфи бор.
Мухлислар саволларига жавоб берар экан, 25 ёшли форвард оғир кунларни бошидан ўтказаётганини тан олди: “Ҳозир бу мен учун жуда оғир, лекин нима бўлишидан қатъий назар, ижобий ва кучли бўлишга ҳаракат қиламан”, — деди футболчи ижтимоий тармоқларда.
Тэмми Абрахам ўтган мавсумда "Рома" сафида 54 та ўйинда майдонга тушиб, 9 та гол ва 7 та голли узатмага муаллифлик қилган. Футболчининг Рим клуби билан шартномаси 2026 йилгача мўлжалланган.