"Манчестер Юнайтед" ва "Интер" камерунлик дарвозабон Андре Онананинг трансфери бўйича музокаралар олиб бормоқда, дея хабар беради таниқли инсайдер Николо Скира.
Скира хабарига кўра, бугун музокараларнинг янги босқичи бўлиб ўтади. Унда клублар барча керакли ҳужжатларни расмийлаштиришни якунлайди. Англия клуби дарвозабон учун 55 миллион евро тўлайди.Шундан сўнг Онана тиббий кўрикдан ўтади ва янги клуби билан 2028 йилгача шартнома имзолайди. У “Юнайтед”да йилига 7 миллион евро маош олади.