"Астон Вилла" Леверкузеннинг "Байер" клубига вингер Мусса Диаби бўйича биринчи таклиф билан мурожаат қилди. Get French Football News хабарига кўра, Бирмингем клуби келишув шартларини эълон қилган, бироқ тафсилотлар ҳозирча ошкор қилинмаган.
24 ёшли Диаби узоқ вақтдан бери трансфер бозоридаги энг жозибали ёш вингерлардан бири бўлиб келган. Франциялик футболчи ўтган мавсумда Бундеслигада 9 та гол урди ва 8 та голли узатмани амалга оширди.
Эслатиб ўтамиз, Диаби кейинги мавсумда Чемпионлар лигасида ўйнайдиган "Манчестер Юнайтед"нинг ҳам эътиборида. “Астон Вилла” ҳам Европа мусобақаларига йўл олди – Бирмингемликлар Конференциялар лигасида ўйнайди.