"ПСЖ" 18 ёшли ярим ҳимоячи Шер Ндур билан шартнома имзолади. У эркин агент сифатида Париж клубига ўтди.
"ПСЖ" матбуот хизмати хабарига кўра, шартнома 2028 йилнинг ёзига қадар мўлжалланган. У 27-рақамда жамоада ҳаракат қилади.
2022/23 йилги мавсумда футболчи “Бенфика” ўринбосарлари таркибида 35 та ўйин ўтказиб, 4 та гол урди ва 1 та голли узатмани амалга оширди. Шунингдек, унинг “бургутлар” асосий таркибида 1 та учрашуви бор.
Transfermarkt портали футболчининг нархини 1,5 миллион еврога баҳоламоқда.