"Барселона" президенти Жоан Лапорта "ПСЖ"нинг вингер Усмон Дембелега қизиқиши ҳақида фикр билдирди.
Олдинроқ "ПСЖ" ёзги трансфер ойнасида жамоани тарк этишга яқин турган Килиан Мбаппенинг ўрнига Дембелени кўриб чиқаётгани ҳақида хабар берилганди.
"Мбаппе кетса, "ПСЖ" Усмон Дембелени сотиб олмоқчи? Мен ҳам бир йил олдин бу воқеани эшитганман... лекин бундай бўлмади. Дембеле "Барса"да қолмоқчи. Менимча, у кетишга шошилмаяпти”, деди Лапорта.
2022/23 йилги мавсумда Дембеле барча мусобақаларда 35 та ўйинда майдонга тушиб, 8 та гол урди ва 9 та голли узатмани амалга оширди.
