"ПСЖ" ҳимоячиси Эль-Шадай Битшиабу фаолиятини "Лейпциг"да давом эттиради, деб хабар беради L'Equipe.
Манба берган хабарга кўра, парижликлар клуби аввалига 18 ёшли франциялик футболчи билан шартномани узайтирмоқчи бўлган, кейин эса уни ижарага берган. Натижада ҳимоячининг "ПСЖ"ни тарк этишига қарор қилинди.
Қайд этилишича, парижликлар ва "Лейпциг"нинг трансфер борасида бир нечта тафсилотлари бор холос. Битим суммаси бонусларга қараб 15-20 миллион еврога баҳоланмоқда.
Битшиабу ўтган мавсумда парижликлар сафида Франция чемпионатида 13 та ўйинда майдонга тушиб, гол ура олмади. Унинг жамоа билан шартномаси келаси йил ёзида тугайди.
