Италиялик инсайдер Фабрицио Романо ўзининг ижтимоий тармоқларида Лондоннинг "Арсенал" мухлисларини ваҳима қилмасликка чақирди. Мухбирнинг ёзишича, марказий ҳимоячи Юрриен Тимбер ва ҳимоячи Деклан Райс трансферлари аллақачон якунланган. "Канонирлар" фақат келишувларни расман эълон қилишлари қолди.

Райс ва Тимбернинг трансфери анчадан бери келишиб олинган эди, шу боис кечикишлар "Арсенал" мухлисларида шубҳа уйғотди. Шунга қарамай, Романо хавотирланишга ҳожат йўқлигини таъкидлайди, чунки Райс ва Тимберни аллақачон "канонирлар" ўйинчиси деб ҳисоблаш мумкин.

Ҳозирча трансферлар қачон расман эълон қилиниши маълум эмас.