Лондоннинг “Челси” клуби ҳалигача “Милан” дарвозабони Майк Меньянни трансфер қилиш имкониятини истисно қилмаяпти. Журналист Мэтт Лоунинг ёзишича, франциялик футболчининг номи сўнгги икки ҳафта давомида клубнинг трансфер стратегияси муҳокамаларида тилга олинган.
Эслатиб ўтамиз, "Челси"ни яқинда ўтган мавсумда жамоа захира дарвозабонига айланган Эдуар Менди тарк этганди. "Аристократлар" янги дарвозабон вариантини кўриб чиқмоқдалар, бироқ у асосий жамоа футболчиси ёки Кепа Аррисабала ўрнини босадиган футболчи бўладими, ҳозирча бир қарорга келмаган.
Айни дамда "Челси" бошқа трансферлар билан банд, аммо клуб тез орада янги дарвозабон масаласига қайтиши керак.
