"Барселона"нинг янги футболчиси Иньиго Мартинес Хави Эрнандес жамоасига ўтгани ҳақида фикр билдирди. Эслатиб ўтамиз, марказий ҳимоячи жамоа билан эркин агент сифатида шартнома имзолаган. Бунгача футболчи Бильбаонинг “Атлетик” клубини тарк этганди.
“Жамоа менга ишонч билдирди, мен буни қадрлайман. Умид қиламанки, майдондаги ўйиним билан "Барселона"га миннатдорчилик билдираман. Ҳаммаси яхши бўлади. Олдинда бизни ажойиб йил кутиб турибди. Мен бу ерда эканлигимдан фахрланаман ва хурсандман. Мен дунёнинг энг зўр жамоасига ўтдим", - деди Иньиго тақдимот маросимида.
32 ёшли Мартинес "Барселона" билан 2025 йилгача мўлжалланган шартнома имзолади.
