"Аякс" сардори Душан Тадич жамоанинг пайшанба кунги машғулотларини ўтказиб юборди. De Telegraaf хабарига кўра, 34 ёшли серб клуб футбол директори Свен Мислинтат билан учрашган. Тадич "Аякс"нинг ҳозирги таркибидан норози ва клуб тезроқ сифатли ўйинчиларни сотиб олишни истамоқда.
"Аякс" Нидерландиянинг сўнгги чемпионатини фақат учинчи ўринда якунлаганди. Жамоа Чемпионлар лигаси йўлланмасини қўлга кирита олмади.
Умуман олганда, Душан Тадич "Аякс" таркибида 241 та ўйин ўтказган. Уларда ҳужумчи 105 та гол урган ва шерикларига 112 та голли узатма берган.