"Лестер" ҳужумчиси Жейми Варди "Эвертон"га ўтиши мумкин.
"Тулкилар" ўтган мавсум якунида АПЛдаги ўз ўрнини сақлаб қола олмади ва 18-ўринни эгаллади, аммо Варди элит дивизионда ўйнашда давом этиши мумкин.
Football Transfers маълумотларига кўра, "Эвертон" 36 ёшли ҳужумчини ўз сафига қўшиб олмоқчи ва ҳужумни кучайтиришни режалаштирмоқда.
Жейми Вардининг "Лестер" билан шартномаси келаси йилнинг июнь ойида тугайди. Сўнгги мавсумда футболчи 42 та баҳсда 6 та гол урди ва 5 та голли узатмани амалга оширди, фахрий "тулкилар" сафида 427 та ўйинда 170 та гол урди.