Амстердамнинг “Аякс” клуби ҳужумчиси Душан Тадич яқин кунларда фаолиятини Туркия чемпионатида давом эттириши мумкин.
Инсайдер Марк Вервейнинг маълумотларига кўра, серб тез орада "Аякс" билан шартномани бузмоқчи ва эркин агент сифатида янги жамоага ўтиш ниятида.
Манбанинг хабар беришича, айни пайтда футболчига Туркиянинг “Бешиктош” клуби фаол қизиқиш билдирмоқда. 34 ёшли Тадичнинг қўлида бошқа имкониятлар бор, аммо манба ҳозирча фақат "Бешиктош" ҳақида билади.
Ўтган мавсумда Тадич Голландия чемпионатида 11 та гол урди ва 18 та голли узатмани амалга оширди. Аввалроқ Душан Англия премьер-лигасида “Саутгемптон” сафида ҳам тўп тепган.
