Amsterdamning “Ayaks” klubi hujumchisi Dushan Tadich yaqin kunlarda faoliyatini Turkiya chempionatida davom ettirishi mumkin.

Insayder Mark Verveyning ma’lumotlariga ko‘ra, serb tez orada "Ayaks" bilan shartnomani buzmoqchi va erkin agent sifatida yangi jamoaga o‘tish niyatida.

Manbaning xabar berishicha, ayni paytda futbolchiga Turkiyaning “Beshiktosh” klubi faol qiziqish bildirmoqda. 34 yoshli Tadichning qo‘lida boshqa imkoniyatlar bor, ammo manba hozircha faqat "Beshiktosh" haqida biladi.

O‘tgan mavsumda Tadich Gollandiya chempionatida 11 ta gol urdi va 18 ta golli uzatmani amalga oshirdi. Avvalroq Dushan Angliya premyer-ligasida “Sautgempton” safida ham to‘p tepgan.