Мадриднинг “Реал” клуби бош мураббийи Карло Анчелотти АҚШдаги мавсумолди сафари олдидан матбуот анжуманида Эдуардо Камавингадан ярим ҳимояда фойдаланиши ҳақида гапирди. Ўтган мавсумда италиялик 20 ёшли французни кўпинча ҳимоянинг чап қанотига қўйганди.
“У Менди жароҳати туфайли фавқулодда вазиятда ҳимоя қанотида ўйнади. Менди ҳозир жуда яхши, Фран Гарсия ҳам бизга кўп нарса беради. Камавинга - ажойиб фазилатларга эга ва кўриш қобилиятига эга ярим ҳимоячи, ҳозир уни қанот ҳимоячиси сифатида эмас, балки ярим ҳимоячи сифатида ўйнатамиз. Агар қанотда Менди ва Фран Гарсия бўлса, Камавинга қанотда ўйнамайди", - дея Анчелотти сўзларини келтирди L'Equipe.
АҚШда "Реал Мадрид" "Милан", "Манчестер Юнайтед", "Барселона" ва "Ювентус" билан ўртоқлик ўйинлари ўтказишни режалаштирмоқда.
