"Бавария" дарвозабони Александр Нюбель шу ҳафта Штутгартда бўлиб, маҳаллий клуб раҳбарияти билан учрашди, деб ёзди журналист Флориан Плеттенберг твиттерда.
"Штутгарт" 26 ёшли немис футболчисини сотиб олиш имконияти билан ижарага олмоқчи. Футболчини шунингдек “Лидс Юнайтед” кузатиб бормоқда, бироқ ҳали расмий таклиф билан чиққани йўқ.
Сўнгги икки мавсумда Нюбель "Монако"да ижара асосида ўйнади. 2022/23 йилги мавсумда дарвозабон барча мусобақаларда 48 та ўйинда майдонга тушиб, 75 та гол ўтказиб юборган ва 10 та баҳсда ўз дарвозаси дахлсизлигини сақлаб қолган.
