Испаниялик "Севилья" вингери Сусога Яқин Шарқнинг икки клуби: Саудиянинг "Ат-Таавун" ва Қатарнинг "Ас-Садд" клуби қизиқиш билдирмоқда, деб хабар беради Football Espana.
Манба берган хабарга кўра, ўтган мавсумда "Севилья"нинг Европа лигасида ғалаба қозонишида катта ҳисса қўшган испаниялик футболчига ҳар икки клуб катта қизиқиш билдирмоқда. Андалусияликлар Сусони қўйиб юборишни истамасалар-да, катта эҳтимол билан клубдаги молиявий аҳволни яхшилаш учун шундай қилишга мажбур бўлишади. "Севилья" яқин ҳафталарда ўйинчиларни сотишни бошлаши керак. Испания клуби Сусони катта миқдорда товон пули шарти билан қўйиб юборишга тайёр.
2022/2023 йилги мавсумда Сусо "Севилья" сафида барча мусобақаларда 43 та ўйин ўтказиб, иккита гол ва 4 голга ассистентлик қилган. Футболчининг андалусияликлар билан шартномаси 2025 йилнинг июн ойи охиригача амал қилади. Transfermarkt интернет порталига кўра, футболчининг тахминий нархи 6 миллион еврони ташкил қилади.