Ispaniyalik "Sevilya" vingeri Susoga Yaqin Sharqning ikki klubi: Saudiyaning "At-Taavun" va Qatarning "As-Sadd" klubi qiziqish bildirmoqda, deb xabar beradi Football Espana.

Manba bergan xabarga ko‘ra, o‘tgan mavsumda "Sevilya"ning Yevropa ligasida g‘alaba qozonishida katta hissa qo‘shgan ispaniyalik futbolchiga har ikki klub katta qiziqish bildirmoqda. Andalusiyaliklar Susoni qo‘yib yuborishni istamasalar-da, katta ehtimol bilan klubdagi moliyaviy ahvolni yaxshilash uchun shunday qilishga majbur bo‘lishadi. "Sevilya" yaqin haftalarda o‘yinchilarni sotishni boshlashi kerak. Ispaniya klubi Susoni katta miqdorda tovon puli sharti bilan qo‘yib yuborishga tayyor.

2022/2023 yilgi mavsumda Suso "Sevilya" safida barcha musobaqalarda 43 ta o‘yin o‘tkazib, ikkita gol va 4 golga assistentlik qilgan. Futbolchining andalusiyaliklar bilan shartnomasi 2025 yilning iyun oyi oxirigacha amal qiladi. Transfermarkt internet portaliga ko‘ra, futbolchining taxminiy narxi 6 million yevroni tashkil qiladi.