"Манчестер Сити" ҳимоячиси Кайл Уокер "Ювентус"нинг номзодлар рўйхатидан жой олди.
The Athletic хабарига кўра, Турин клуби футболчи билан суҳбат ўтказган ва у "кекса синьора" учун ижобий натижа билан тугамаган. Манба берган хабарга кўра, Уокер "шаҳарликлар" уни сақлаб қолиш учун бор кучини сарфлаётганига қарамай, фаолиятини "Бавария"да давом эттириш ниятида.
33 ёшли ҳимоячи "Манчестер Сити"га 2017 йилда келиб қўшилган эди. Бу вақт ичида Уокер инглиз гранди либосида 254 та ўйин ўтказиб, 6 та гол урди ва 18 та голли узатмани амалга оширди.
Олдинроқ Хосеп Гвардиола жамоаси футболчининг трансфери учун камида 20 миллион евро олмоқчи экани хабар қилинганди.
